Notisias

Sua Excia. Administradór Munisípiu Lautém (AML), Sr. Domingos Sávio, partisipa entrega material sensitivu no la sensitivu ba eleisaun orgaun Suku nian iha Salaun GOR Lospalos.

Administrador Munisípiu Lautém, orienta Administrador Postu Administrativu sira atu vota uluk, nune’e bele hala’o kontrola sentru votasaun iha Suku sira, no husu Administrador Postu Administrativu sira halo kordenasaun di’ak ho Xefi Suku, Xefi Aldeia sira no parte seguransa Polísia Nasionál Timor-Leste (PNTL) ne’ebe delega ona ba sentru votasaun idak-idak nune’e bele asegura eleisaun Suku ho diak no susesu.

Diretor STAE Munisipiu Lautém Sr. Sergio Belmonte relata ita iha sentru votasaun neebe eziste agora hamutuk 151, boletín votu tuir suku ida-idak ninia totál eleitorál ne’ebé maka eziste no ita-nia boletín votus ba xefia aldeia nian mos iha pakote kedas hodi antisipa ba kada aldeia eleisaun segundu ronde nian. Sentru votasaun ne’ebe ita estabelese sei deskola urnas hamutuk 309 ho nia materiál sensitivu no la sensitive. Ita iha 413 no 415 kabina dé votu ne’ebé ita sei utiliza ba iha eleisaun ba kada sentru votasaun, tanba ne’e husu ita boot sira nia ajudasaun no kontribuisaun tomak ba materiál sira ne’ebé maka iha, material sira nee ninia kondisaun la hanesan ho urnas sira ne’ebé mak uluk ita uza ba iha Eleisaun Prezidente no Eleisaun Parlamentar nian.

Diretor STAE, rekomenda presiza atu tau atensaun ba urnas sira nee, tanba nia kualidade la hanesan ho urnas sira ne’ebé mak ita uza, husu ba ita hotu lori materiál ne’e ho kuidadu nune’e ita-nia sasán sira ne’e bele seguru to’o fatin Sentru Votasaun.

Media AML

Lautém, 28 Novembru 2023, iha serimónia ida ne'ebé hala'o iha Postu administrativo Lautem, hanesan marka importante ida ba komunidade iha área rurál, Senhor Teovaldo Cesar da Silva asumi knar nudar Chefe Suku foun ba suku Parlamento

Serimónia ne'e hala'o ho partisipasaun numerózu husi membru komunidade lokal, membru governu lokal, no lideransa komunitária. Iha sira nia diskursu, fo hanoin kona-ba papel importante ne'ebé Chefe Suku foun sei hetan durante sira nia mandatu atu dezenvolve no harii ligasaun forte ho komunidade.

Teovaldo Cesar da Silva, ho esperiénsia ampla iha área dezenvolvimentu komunitáriu, Digitalijasaun nebe hakerek iha nia visaun no misaun, hetan onra boot atu bele servisu hamutuk ho komunidade hodi fó kontribuisaun ba dezenvolvimentu Suku. Nia subliña mos katak nia sei hala'o knar ida ne'ebé responsável no transparente, servisu hamutuk ho komunidade atu harii futuru ne'ebé di'ak liu ba jerasaun oin-oin.

"Ha'u senti onra no hodi prontu atu serbisu hamutuk ho imi hotu atu harii suku ne'ebé unidade no dezenvolvidu liu," Teovaldo Cesar da Silva dehan iha nia diskursu foin lalais.

Estrutura governu lokal iha postu administrativu Lautém promete atu kontinua apoia no kolabora ho Chefe Suku foun no sira nia inisiativa sira iha rai laran atu asegura kontinuasaun dezenvolvimentu ba komunidade lokal iha nivel hotu-hotu.

Iha momentu ne'e, esperansa no expectativa boot husi povu suco Parlamento hanesan simu Chefe Suku foun nia promesa atu haree ba progressu no dezenvolvimentu iha Suku ne'ebé nia hala'o knar.